Os alumnos e alumnas de 3º de primaria están a preparar un mega lapbook sobre Maruja Mallo, unha pintora surrealista galega referente da Xeración do 27, a primeira en representar a muller moderna, activa, libre e profesional. Parabéns polo traballo, desexando ver o resultado final!
Este xoves, aproveitando que brillaba o sol, os/as axudantes de Cusco de 5º e 6º sacaron ó exterior, durante o recreo, tres caixas moi especiais: a caixa creativa, a caixa de xogos e a caixa de libros.
Este curso non foi posible disfrutar tanto do recreo na biblio durante os meses de mal tempo por cuestións organizativas, e agora que chega o bo tempo os nenos e nenas precisan sair a que lles de o aire, o sol... Así que se eles e elas non van á biblio, a biblio vai a eles e a elas!
Nesta primeira proba, o kit de creación de pulseiras foi un éxito. Calqueira suxerencia sobre xogos favoritos, libros, ou actividades creativas é máis que benvida!
As xornadas de biblioteca creativa sempre contan con ponencias moi interesantes, talleres marabillosos e experiencias de centros onde se aprecia o inmenso traballo, maioritariamente feito fóra das horas de traballo, que fan os mestres e as mestras cada día. Este ano asistimos ós talleres de Alouette Machine (estampación e imprenta) e de Bea Lema (narrativa e bordado).
Teredes que esperar ó curso que ven para poder levar estos libriños para casa, pero polo momento ídelles botando un ollo!
Tamén chegaron uns xogos novos:
E algunhas cousiñas para a biblio creativa!:
A importancia das actividades creativas e artísticas artesanáis para traballar a perseverencia, a paciencia, a relaxación, a motricidade fina, a atención... Nun bastidor podemos pintar con fío, coma faríamos co pincel nun papel. Os nenos e nenas están a desfrutar moito deste novo medio de creación, aínda que ensebar a agulla segue a darnos moitos quebradeiros de cabeza!
Un novo curso comeza, e para darlle á benvida ó alumnado, Cusco preparou un mural cheo de segredos... segredos das palabras que conteñen os libros da súa biblioteca. Decenas de papeliños de cores, cubertos de verbas seleccionadas de literatura infantil. Unhas verbas suxerentes que tiveron que completar facendo uso da súa imaxinación e creatividade.
Estes segredos houbo que escondelos, e o mellor lugar para facelo foi dentro dos propios libros. Así, cando pasen cinco, dez, vinte anos... outro neno ou nena atopará un pedaciño deles.
Que este curso nos depare moitas sorpresas, coñecemento, diversión e creatividade!
