Día de Rosalía

 

A Galiña de Mos vai á escola!

A través deste fermoso proxecto achegámonos a unha das razas autóctonas galegas máis singulares.

Contacontos "Un agasaio para Lilí" dos Ratiños de Lonxedetodo

Antes de comezar coa festa do Entroido, visitou a Cusco outro ratiño de biblioteca... quizáis o ratiño de biblioteca máis famoso de toda a contorna: Fuco! A ANPA chamouno para que nos cantase (acompañado do seu acordeón), para que nos contase unhas historias marabillosas ("Non deixes que a pomba conduza o autobús", "Alex e o rato de corda" entre outros) e para facernos rir a cachón. 

Grazas Fuco por vir dende Lonxedetodo a vernos nun día tan especial.

Festival de Entroido

Este ano disfrazámonos dos Entroidos tradicionais galegos. Levou moitro traballiño e o resultado non puido ser máis satisfactorio. O alumnado de sexto de primaria deleitounos co anual xuizo do Meco, que o pobre acabou sentenciado fatalmente coma sempre. 

Primeiros auxilios

Esta semana recibimos no noso centro a visita do persoal do centro de saúde do concello da Capela, que nos ofreceu unha charla e un taller práctico moi interesante, adaptado ao alumnado. Contamos coa presenza das doutoras Patricia Martínez, Ágata Vázquez e Maurenis Alonso, que nos explicaron como actuar en caso de emerxencia e o funcionamento do 112. Aprendemos a colocar a unha persoa na posición de seguridade, a pedir axuda correctamente e coñecemos a respiración cardiopulmonar (RCP). Foi unha xornada moi enriquecedora na que o alumnado aprendeu de maneira activa e moi útil para a vida cotiá.