Hoxe chegou ás casas o tradicional tríptico da Biblioteca de Cusco en colaboración co Equipo de Dinamización da Lingua Galega.
Por unha banda, parabéns a Lara, de 6º de primaria, por resultar gañadora do XI concurso de slogans de animación á lectura.
Por outra banda, anotamos na axenda o noso próximo encontro coa autora Charo Pita. Lembrade, polo día do libro. Será unha xornada moi especial!
Boas e tranquilas festas!
👏📖
Cusco elixiu estas lecturas e música entre algunhas das moitas novidades que trouxo para a nosa biblio. Está convencido de que son ideais para os próximos días de inverno na casa.
Hai moito onde elixir, lembrade incluir algunha nos vosos desexos de Nadal! 🎄
A biblioteca de Cusco encheuse de ciencia nestas últimas semanas. Preparamos un experimentos con material "caseiro", moi faciliños, pero cos que aprendemos moito sobre o comportamento da auga, a presión do aire, as densidades e sobre sinxelas reaccións químicas.
A nosa árbore simboliza os nosos desexos dunha sociedade respectuosa coas diferenzas e sobre todo, o noso rexeitamento a calquera forma de violencia. Porque todas e todos somos iguais en dereitos!
Estefanía Padullés achegounos ao mundo da ilustración desde unha perspectiva de respecto á igualdade de xénero.
Nos obradoiros demostramos as nosas aptitudes para o debuxo, ou polo menos, intentámolo 😅. Pola súa parte, os máis pequenos desfrutaron do conto de "A manchas ou a raias?", narrado pola súa propia autora e ilustradora. Como recordo, quédannos tres magníficos murais coas súas creacións.
Grazas ao Concello de A Capela por convidarnos a esta actividade. 💜
O vindeiro xoves, 25 de novembro, visitaranos a escritora e ilustradora Estefanía Padullés.
Autora de libros como "Leopoldo, o pequeno monstro", "Un mundo para Maruxa" ou "A manchas e a raias" entre outros, as súas obras están cheas de mensaxes en defensa da igualdade de dereitos e o respecto á diferenza.
Da súa man, o alumnado de infantil desfrutará do xenial contacontos dunha das súas obras e o de primaria participará nun obradoiro de ilustración creativa.
Ata final de mes teredes á vosa disposición na biblioteca 2 esta maleta viaxeira ("viaxeira" porque vai pasando por moitos centros da comarca). Vén ateigada de libros de banda deseñada, algúns dos cales xa os temos, pero tamén con moitas novidades. Agardo que vos guste, porque sei de primeira man que os cómics son unha das vosas eleccións preferidas na biblio.
Disfrutade dela!
Cusco.🐭
O uso dos pictogramas axúdanos a todos e todas a comprender mellor a nosa contorna. Esta semana, aprendemos sobre eles e comezamos a sinalizar os espazos de uso de común do colexio.
Ademais, coñecemos os recursos do ARASAAC, onde puidemos ver moitos outros exemplos de pictos.
¡Na Capela queremos un colexio accesible para todos e todas!
Esta semana os maiores do cole explicáronlles aos máis novos como funcionaba a biblioteca de Cusco: cales son as normas, como se buscan os libros, como é o carné de socio, para que serven os tarxetóns brancos e de cores, etc. Algún xa o sabía, pero nunca está demáis refrescar a memoria. Con esta actividade, pechamos a celebración do Día das Bibliotecas.
Magníficas cabazas! Con elas, guiaremos aos espíritus bos e espantaremos aos malos na noite de Samaín. Graciñas por traelas e encher o recibidor de misterio e creatividade. Grazas tamén ás familias pola vosa colaboración. Sodes os/as mellores! 🎃
Cusco🐭
Bruxas, misterios, sustos, esqueletes, calacús, vampiros... Cusco está seguro de que estas lecturas vos van encantar. Moitas delas son tamén novidades. Non volas perdades! 📖
Hoxe saíron as mochilas máis viaxeiras do colexio. Os encargados de repartilas foron os/as compañeiros/as de 6º, que sempre colaboran de boa gana nas actividades da biblio.
Disfrutade da aventura de ler acompañados/as das vosas familias!
Que ben o pasamos hoxe!
Estou moi contento por celebrar na vosa compañía este día tan especial para min e para o meu pequeno-gran recuncho do colexio: a biblioteca.
Comezamos o día na Casa da Cultura para encontrarnos de novo co Mago Paco e os seus magníficos e divertidos trucos enleados con entretidos contos. Grazas á Biblioteca Municipal por invitarnos unha vez máis e tamén á empresa de transporte García Seco, que nos salvou dalgunha molleira nestas visitas.
Á volta, o alumnado colaborador de 6º deleitounos cun xenial contacontos. Desfrutamos e sobre todo, rimos coas historias que con tanto esmero prepararon nestes días coa axuda da súa titora. Talento non vos falta! Lembrade que, se queredes coñecer o final de cada unha delas, agárdanvos na biblio.
Finalmente, revelamos o nome dos/as finalistas do concurso de slogans (podedes consultalos na publicación anterior) e recibimos, con moito agarimo, un agasallo moi doce: a tradicional galleta. Espero que vos gustara!
Abaixo déixovos o vídeo.
FELIZ DÍA DAS BIBLIOTECAS A TODAS E TODOS! 📖📚
Cusco 🐭
Bo día compis!
Un ano máis, moitas grazas por participar no concurso - exposición. Con artistas coma vós, resultoume moi complicado tomar unha decisión, pero hai que facelo. Logo de repasar un a un os vosos magníficos slogans, considero que as/os finalistas deben ser:
Neste curso, o cartel de conmemoración destaca o papel das bibliotecas como ventanas abertas para ler, espazos onde aprender e lugares para descubrir. Podedes ler máis aquí.
Grazas a todas/os pola vosa participación! Quedaron uns slogans moi feitiños cos que deixades claro que a lectura é sempre a mellor opción.
O venres, no acto do Día das Bibliotecas, anunciaranse os nomes das/dos finalistas. 📚
"Correeeooo! Correeooo!" Así nos recibía a carteira de Augasclaras. Cada unha das cartas que nos entregaron viña acompañada dunha fermosa historia: a de Artur e Clementina, a de Rosa Caramelo e a de Eu vou comigo. Desfrutamos da súa forma de contar e da posta en escena, con eses títeres e personaxes tan feitiños. Graciñas!
Mañá, 14 de outubro, Carmen Domenech traeranos unha gran historia á Casa da Cultura: A carteira de Augasclaras. De novo, grazas á Biblioteca Municipal por convidarnos. Non nola perdemos!
Hoxe tivemos noticia de Cusco, por fin! Coa súa carta, chegáronnos as normas de funcionamento da biblio para este curso así como a invitación para participar na primeira das actividades.
Preparade esa imaxinación!
Os contos non son sempre como nolos contaron. Existen os "contracontos", versións pouco coñecidas onde os protagonistas rompen cos estereotipos: princesas valentes, "belos" durmintes, cincentos...
Acertixos, bailes, humor e moito conto que dá que pensar. Grazas, Queliña!
