Benvidos/as a un novo curso!

Tras un merecido descanso, volvemos ó cole. Na entrada, tras cruzar baixo un colorido arco de globos (ANPA), xa tiña Cusco preparado un novo reto relacionado co PDI: CapelArte. Entre todos e todas foron encaixando as pezas deste gran puzzle onde aparecen todas as obras do álbum do ano pasado, "Os 100 parrulos da Arte". Para coller folgos, repartíronse unhas galletiñas da sorte de papel cunha mensaxiña dentro.

Este ano imos aprender un montón sobre as diferentes épocas da Historia da Arte, así que ide preparando as vosas capacidades artísticas que isto comeza! Bo curso!

Benvidos e benvidas a un novo curso!

Un novo curso comeza, e para darlle á benvida ó alumnado, Cusco preparou un mural cheo de segredos... segredos das palabras que conteñen os libros da súa biblioteca. Decenas de papeliños de cores, cubertos de verbas seleccionadas de literatura infantil. Unhas verbas suxerentes que tiveron que completar facendo uso da súa imaxinación e creatividade.

Estes segredos houbo que escondelos, e o mellor lugar para facelo foi dentro dos propios libros. Así, cando pasen cinco, dez, vinte anos... outro neno ou nena atopará un pedaciño deles.

Que este curso nos depare moitas sorpresas, coñecemento, diversión e creatividade!