Recomendacións lectoras para o verán.

 

Apadriñamentos e amadriñamentos lectores.

 Aproveitando o bo tempo saímos ao patio e os nenos e nenas de 4º de EP len un conto aos nenos e nenas de Educación Infantil.

Pasaron un anaco de lectura ben divertido e tenro!

Aquí vos deixamos os libros dos que puideron desfrutar no tempo de lectura:

Facemos un libro de texturas para a Casa Niño "Bolboreta"

Seguindo o fío condutor de "A vida nos mares e océanos" que levamos traballando no cole dende o Entroido, e como proxecto para materializar parte dos coñecementos adquiridos na formación sobre E-textiles que fixemos os mestres, o alumnado do cole fixo, coa axuda e supervisión dos mestres, un libro de texturas para as nenas e nenos da casa niño, o cal lles será entregado nunha das vindeiras xornadas, antes do remate do curso. 

Deste xeito, cada un dos niveis fixo unha páxina para o libro, coincidindo na súa maior parte co animal do que se disfrazaron polo Entroido:

A ESTRELA DE MAR DE EI

A MEDUSA E MÁIS O PEIXE DE 1º E 2º

O CANGREXO DE 3º E 4º

A TARTARUGA DE 5º

A BALEA DE 6º

E por fin chegou o día...o alumnado de infantil visita a casa niño da Capela cunha misión moi importante! Entregar un agasallo moi especial e feito con moito agarimo! 

As nosas emocións forman os nosos recordos.

 Bo día!

Desde o equipo de biblio do cole pensouse en traballar cos nenos unha temática que, se ben hai algúns anos non recibía o lugar e a importancia necesaria, hoxe en día estase a ter moito máis en conta e é algo que se debe traballar dende idades temperás. 

As competencias emocionais axudan a manter boas relacións cos demáis e con un mesmo, axudan ao proceso de aprendizaxe, contribúen á resolución pacífica e positiva dos conflitos e son por suposto unha parte fundamental da saúde mental e física.

Neste sentido, e coa idea de pensar en actividades fácilmente adaptables a todas as etapas e ciclos educativos que temos no centro, foron tres as actividades, obradoiros ou pequenos proxectos propostos para acadar o noso obxectivo.

1º) VISIONADO DA PELÍCULA "DO REVÉS" (21-5-24)

Esta película de Pixar amósanos o marabilloso, complexo e ás veces tolo mundo das emocións. A protagonista desta divertida historia é Riley, unha nena de 11 anos, e as cinco emocións que están ao mando das súas decisións e experiencias (alegría, tristeza, medo, noxo e ira) durante a difícil transición da infancia á adolescencia. 

   2º) OBRADOIRO SOBRE EMOCIÓNS CON MARIAN, DE TEATRO CALAVERA (27 e 28 de maio)

Deixamos aquí os enlaces para os respectivos blogs de ciclo onde poderedes ver o que fixo cada un deles:

OBRADOIRO 1º CICLO

OBRADOIRO 2º CICLO

OBRADOIRO 3º CICLO

3º) MURAL:"AS NOSAS EMOCIÓNS FORMAN OS NOSOS RECORDOS" (semana do 3 de xuño)

Imitando a "biblioteca" de recordos de Riley, a protagonista da película "Do Revés", o alumnado do cole posou para ás cámaras "poñendo cara de..." cada unha das emocións traballadas coa película. 

Despois pegaron esas fotos en circulos de cartolina das cores asociadas a cada unha das emocións, imitando as esferas que aparecían na película.

 Finalmente, baixo o título de "As nosas emocións forman os nosos recordos", fixeron a composición mexturando cursos, alumnos e emocións.

 

Novidades sobre educación emocional e disciplina positiva.

Atención! Obras na biblio

O noso amiguiño Cusco está en obras! Avecíñanse cambios na biblioteca! En breve amosarémosvos os avances!

Mulleres inspiradoras: Laura Rodríguez Herrera

Grazas á plataforma "Inspiring Girls", o pasado martes día 14 de maio recibimos no cole a visita de Laura Rodríguez Herrera, directora de Hércules Edicións.

A creación desta plataforma parte da idea de que toda muller pode ser un exemplo, unha "role model", para as nenas e adolescentes, para que coñezan da súa man as infinitas posibilidades ás que poden aspirar na súa vida. Así, Inspiring Girls nace co obxectivo de facilitar a todas as nenas do mundo, independentemente da súa procedencia, o acceso a "role models" femininos.

A orixe de Inspiring Girls remóntase ao ano 2013, e dende entón tratan de probar que hai centos de millerios de modelos de muller que, aínda que non saen na televisión ou nas revistas, son un exemplo excelente para nenas e rapazas.

Unha das diferentes vías que empregan para conseguir o seu obxectivo, é a de conseguir mulleres que conten a súa historia en formato de charlas en centros educativos a través do programa "Volta ao cole".

É por iso que este martes recibimos a visita de Laura Rodriguez. Entre outras cousas, baseou a súa charla na formación que recibiu, os lugares onde traballou e sobre todo en que consiste o seu traballo, como o desenvolve, por que lle gusta tanto, que retos ten que afrontar no seu día a día, etc.

Todo o que nos contou non foi só unha fonte de aprendizaxe e inspiración para as nenas e nenos de 2º e 3º ciclo de Primaria, senón tamén para os mestres, por ser o mundo das editoriais en moitos casos un gran descoñecido para a maioría da xente.

Aproveitamos este espazo virtual para agradecer tanto a Laura como a todas as mulleres que formaron, forman e formarán parte de Inspiring Girls, por compartir a súa experiencia persoal e servir como fonte de inspiración para as nenas das novas xeracións, por ser grandes exemplos de termos como empoderamento, traballo, constancia ou emprendimento, e ao mesmo tempo por servir como referentes na loita pola igualdade de oportunidades e un mundo máis xusto.