As falcatruadas do mago Paco!

Como xa adiantamos na anterior entrada do blog, o pasado venres 22 de setembro ás 10:45 chegou o bus ás portas do cole para recoller tanto ao alumnado como ao profesorado do cole e poñer rumbo á Casa da Cultura da Capela.

O mago Paco fixo varios trucos de maxia: converter un pano vermello nun ovo de mentira e despois nun ovo de verdade, facer aparecer un naipe dunha baralla dentro dunha bolsa de palomitas, precedir o resultado dunha carreira de coches ou mesmo reconstruir unha foto que fora cortada en oito pedazos.

O mellor do espectáculo non foron os trucos, senon os sorrisos das rapazas e rapaces, as súas caras de expectación, e o feito de que tanto nenos como adultos foron interactuando co mago en todo momento e incluso subindo ao escenario para colaborar directamente con él.

Venres de maxia!

O vindeiro venres 22 de setembro o concello da Capela invítanos á Casa da Cultura para ir ver un espectáculo de maxia. Deixamos aquí a cartela.

Teatro e humor: Saaabor!

O pasado venres 15 de setembro, os amigos de Culturactiva Producións achegáronnos unha divertidísima obra teatral ambientada nas andanzas de dous cociñeiros que co seu gran talento fixeron rir durante máis dunha hora a pequenos e maiores.

Aínda que nun principio o espectáculo ía ter lugar na Casa da Cultura, por motivos de espazo e aproveitando ademáis o bo tempo, foron os artistas quenes se desprazaron ata o cole para converter o patio da escola nun teatro do máis alto nivel.

A obra mestura música, maxia, humor, ritmo e participación do público, co mundo da gastronomía de fondo. Os protagonistas Félix e Fran convertéronse en dous recoñecidos chefs que nos ofrecen pratos para todos os gustos: desde a comida máis práctica e sinxela ata a máis elaborada, sen esquecer o viño e a sobremesa, elaborando un saboroso menú que ata foi degustado por algúns dos alumnos/as en pleno directo!

Damos a benvida ao novo curso da man do rato Cusco!

O pasado luns día 11 de setembro o rato Cusco deu a benvida ás alumnas e alumnos da nosa escola. Cusco abríu as portas do cole cun enorme sorriso e unha cartela de "BENVIDOS/AS", trala cal o alumnado puido ver un mural cun tarro xigante que tiñan que encher con bos desexos e propósitos para o curso 23/24.

Ao longo da xornada, os rapaces e rapazas de cada grupo foron escribindo as súas mensaxes en pequenos pergamiños que despois meteron no tarro. Cusco ten agora moito que ler, e séntese feliz de tervos na escola de novo!!

PRODUTO FINAL DO NO NOSO PDI: EXPOSICIÓN FLORA E FAUNA DA NOSA CONTORNA

Estes últimos días de clase realizamos unha exposición no corredor da entrada mostrando os traballos elaborados polo alumnado sobre o PDI deste ano: a flora e fauna da contorna.

Nesta mostra podemos contemplar moitas cousas....

• Unha exposición en formato dixital sobre a saída ao regato de Mourente co alumnado de infantil e 1º e 2º de primaria.
• O vídeo realizado polo alumnado de quinto onde se da a coñecer A Capela.
• Mostras do resultado da elaboración de papel reciclado.
• Animais feitos con material de refugallo.
• Carteis sobre a importancia da reciclaxe.
• Libros que recollen información e debuxos sobre a flora e fauna da contorna.
• Un herbario con follas das árbores recollidas na saída ao río Sesín. 
• Un xogo de robótica.

Hai tamén códigos QR para que o alumnado poida ver todo en formato dixital e afondar máis no contido.

No seguinte vídeo móstrase a exposición e ao final veredes imáxenes do alumnado desfrutando das diferentes actividades e aprendendo do material elaborado polos seus compañeiros e compañeiras, así como do realizado por eles mesmos:

PASADE UN MOI BO VERÁN E FELICES VACACIÓNS! VÉMONOS EN SETEMBRO!

 LIBROS VIAXEIROS DO TEMPO

Estes libros viaxaron de casa en casa durante o curso recollendo ditos, adiviñas e refráns relacionados cos diferentes fenómenos meteorolóxicos. 

O alumnado fixo unha búsqueda de información sobre isto sacando fontes das súas familias, libros, páxinas web, etc. Despois escribiron refráns, adiviñas, etc. e acompañáronnos de debuxos ou manualidades.

Moitas gracias a todos e todas por participar!

Este foi o resultado:

 CONTACONTOS: "COAS MANS NA MASA"

O pasado venres, todo o alumnado do cole asistou á Casa da Cultura da Capela para divertirse cun contacontos da man de Caxoto. 

A protagonista da historia era Laura, unha nena que quería ser pirata. Ao principio, o seu irmán intentou quitarlle a idea da cabeza dicindo que as nenas non podían ser piratas. Laura demostrou que iso non é así, que as nenas poden ser o que queiran e que todos e todas somos iguais, que podemos conseguir o que queraimos independentemente de se somos homes ou mulleres. Laura conseguiu resolver todos as probas e superar os diferentes retos que se lle propuxeron. Unha historia que tivo como fío principal a igualdade de oportunidades entre nenos e nenas.

Esta actividade foi organizada pola Biblioteca Municipal do concello. Moitas gracias por invitarnos!