23 de abril: Día do Libro

A celebración do Día do Libro no noso centro comezou coa exposición dos Libros Favoritos ao longo da semana. O día 23 de abril cada curso fixo lectura grupal na biblioteca de libros coma "O Quixote", empregando tamén o libro electrónico para que os alumnos e alumnas o coñecesen. Despois do xantar houbo unha proxección na que se explicaban as andanzas de Don Quixote e se levou a cabo a entrega de premios do concurso de marcapáxinas. O concurso tivo 5 gañadores, xa que a calidade dos traballos dos nenos e nenas da Capela fixo moi difícil escoller soamente un.

Personalize your own presentación

Exposición para o Día do Libro

Para celebrar o Día do Libro os nenos e nenas da Capela deseñaron marcapáxinas para un concurso e trouxeron da casa o seu libro favorito para compartir con todos.

Create a presentación

Conto d@s alumn@s de terceiro

Como cada derradeiro mércores de cada mes chegou a hora do conto, e esta vez lles tocou aos nenos e nenas de terceiro. Sorprenderon cunha visión moi divertida da educación actual, que incluía unha versión do famoso "Se eu che pego" con coreografía e todo!!

Create your own presentación

Conto de 4º

Os alumn@s de cuarto nos fixeron pasar unha agradable tarde de mércores coa historia dunha ratiña moi peculiar...

Presentación made with Smilebox

Conto dos alumn@s de 5º

A finais de xaneiro os alumnos de 5º representaron un conto titulado "O casamento da Pulga e o Piollo". A verdade é que nos fixeron pasar un bo rato cunha historia chea de bichiños moi simpáticos.

Make your own presentación

Conto d@s alumn@s de 6º

Seguimos coa tradición do contacontos o derradeiro mércores de cada mes. Os encargados de inaugurar o curso foron os alumnos de 6º, que nos puxeron os pelos de punta cunha historia terrorífica... O caserón do medo!!!

This presentación customized with Smilebox

Día das Bibliotecas Escolares

O pasado 24 de outubro foi un día moi especial para min: O Día das Bibliotecas Escolares. Para celebralo os nenos e nenas do cole participaron nun concurso de slogans de animación á lectura. Os mestres do cole seleccionaron un finalista de cada curso.

O luns 24 de outubro se fixo a entrega de premios, amenizada polo profe Xabi coa lectura dun conto adicado ás bibliotecas.

 O noso novo dire David fixo a entrega de premios. Regalou a cada finalista un lapis moi chulo para que sigan escribindo cousas tan bonitas como as que aparecen nos seus slogans.

Nerea foi a finalista de 1º.

Brais foi o finalista de 2º.

Andrea foi a finalista de 3º.

Sandra foi a finalista de 4º.

Noelia foi a finalista de 5º.

Xeila foi a finalista de 6º.

E a gañadora do concurso de slogans para a animación á lectura foi... Andrea de 3º co seu slogan: "Lendo viaxarás a mundos fantásticos"! O premio que recibiu foi un libro de misterio titulado: "Mefi, Sata e Demi"

Os finalistas posan cos seus slogans.