Chegan as vacacións!!

Non queda nadiña. Dentro de semana e media remata o curso e non podía marchar de vacacións sen despedirme dos nenos e nenas da Capela. Espero que o pasedes moi ben na praia ou na piscina, xogando c@s amig@s, descansando e aproveitando para ler algún libro dos que non tivechedes oportunidade de ler durante o curso.
Biquiños de queixo e ata setembro!!

Cusco

Conto dos nenos e nenas de infantil

O día antes de rematar as clases os máis peques do cole fixeron dúas representacións que gustaron moito tanto aos nenos e nenas coma aos mestres e mestras.

Os nenos e nenas de 3 e 4 anos representaron "A noite das mudanzas"

Os nenos e nenas de 5 anos representaron "Eu non fun!"

A actuación dos nenos e nenas de infantil serviu de despedida para o noso director Secundino, que se xubila cando remate o mes de xuño. Ata pronto Secun!!

Día das Letras Galegas

O pasado 17 de maio celebrouse como cada ano o Día das Letras Galegas. No noso cole quixemos coñecer a palabra en galego que máis lle gustaba a  cada nen@, a cada profe e a cada unha das persoas que traballan no noso centro. Quedounos un mural moi chusquiño que lle adicamos a Lois Pereiro, ese escritor que sabendo falar tantas linguas amaba tanto o galego.
Cada curso depositou as súas palabras fermosas nesta caixiña.

Despois esas palabras se xuntaron para formar o mural que podedes ver na seguinte foto.

Sesión de contos con primeiro

O derradeiro mércores de maio os nenos e nenas de primeiro representaron "A ratiña presumida".

 Esta ratiña tiña moitos pretendentes!!

E colorín colorado, este contiño está rematado...

Visita de Concha Blanco

A escritora Concha Blanco visitou o noso cole o pasado 28 de abril e pasou o día cos nenos e nenas da Capela.

Pola mañá falou cos nenos e nenas de infantil sobre o seu libro "A casa de cartón".

E adicou os exemplares do seu libro aos nenos que o levaron.

Pola mañá tamén tivo tempo para falar cos nenos e nenas do primeiro ciclo sobre "A vaca titiriteira".

E despois lles adicou os exemplares do libro que tiñan con eles.

Os alumn@s de segundo ciclo convertíronse en escritores e lle regalaron a Concha Blanco estes libros que fixeron eles mesmos.

  
Tamén falaron con Concha sobre "A camioneta da media risa" e "A bruxiña da sorte".

Pola tarde tamén tivo tempo para falar cos maiores, cos alumn@s de terceiro ciclo, sobre "A min que me importa".

Os nenos e nenas de 5º e 6º escribiron contos que lle leron a Concha Blanco, e parece que lle gustaron moito.

A escritora pasou un día tan especial no CEIP Mosteiro de Caaveiro que dixo que tería que falar dos nenos e nenas da Capela nun dos seus novos libros!!!

Día do Libro

Como son un rato de biblioteca o día 23 de abril é un día moi especial para min, é o Día do Libro. Este ano os nenos e nenas do colexio estaban de vacacións ese día, pero non o esqueceron. Deixaron a biblioteca e o pasillo da entrada cheos de traballos moi chulos baseados en libros de Concha Blanco. E por que Concha Blanco? Porque esta escritora vainos visitar o vindeiro 27 de abril para falar de moitas cousas relacionadas cos seus libros.

Os alumn@s de infantil construiron casas de cartón coma as do libro que leron na clase.

Son preciosas!!

Os alumn@s do primeiro ciclo debuxaron as aventuras da Vaca Titiriteira nas manchas dunha vaca parecida á do libro.

E os alumn@s de cuarto fixeron a bolboreta que aparece en "A bruxiña da sorte".