CELEBRANDO O 8M

Con motivo do Día Internacional da Muller e tendo en conta o lema da nosa biblioteca "Escribir a biblioteca escolar", todos os nenos e nenas do cole adicaron unhas fermosas palabras de agradecemento e admiración ás mulleres importantes da súa vida. 

Escribiron as mensaxes en papeis que decoraron libremente e despois pegáronas no mural no que tamén se incluíron uns banderíns sobre diferentes mulleres importantes na historia. Durante esta semana traballamos nas aulas as vidas destas mulleres, incluíndo despois de xeito resumido esta información nos banderíns.

 RECOMENDACIÓN DE LIBROS PARA O 8M

Deixámosvos esta selección de libros que temos dispoñibles con motivo do Día da Muller.

 DÍA DE ROSALÍA 

Rosalía de Castro naceu en Santiago de Compostela o 23 de febreiro de 1837. Foi unha importante poetisa (que escribía poemas) e publicou obras tanto en galego como en castelán. Foi unha figura clave no Rexurdimento galego, etapa na que o galego volveu ser unha lingua recoñecida tanto a nivel escrito coma oral despois de estar moito tempo sen empregarse na literatura. A súa obra máis coñecida é Cantares gallegos, poema publicado un 17 de maio de 1863. Desta data tan sinalada marcouse o Día das Letras Galegas. Outras das obras máis coñecidas son Follas Novas e En las orillas del Sar.

Para conmemorar este importante día, no que celebramos o nacemento da autora, fixemos este mural entre todos e todas. Nel inclúense palabras e debuxos relacionados con sentimentos, emocións ou cousas destacadas que están a aconteceder.

A MALETA NATURALISTA

Chegou ó cole esta maleta cargada de libros súper interesantes relacionados coa natureza. Inclúen guías de flora, fauna e fungos e cadernos de campo. Este proxecto está promovido polo Centro de Extensión Universitaria e Divulgación Medioambiental de Galicia (CEIDA), o cal tamén achegounos ó cole a maleta climática o mes pasado.

A maleta estará no centro ata o 13 de marzo, así que imos disfrutar e aprender moito dela ata entón!

 COIDAMOS A NOSA CONTORNA

Dende o centro estamos a realizar obradoiros de sensibilización medioambiental co alumnado, onde estamos a aprender os coñecementos necesarios para poñer en marcha o noso composteiro escolar.

Estes talleres están organizados por Euroeume, plataforma que ten en marcha un proxecto de promoción de prácticas agrarias respectuosas co medio ambiente. Tamén queren facer conciencia da importancia dunha xestión de residuos máis ecolóxica para xerar menos residuos e reciclar e reusar correctamente.

Queremos dar as gracias a Ángel por vir o pasado venres ó cole e ensinarnos como ser máis responsables co medio ambiente.

Deixamos aquí algunhas imaxes dos obradoiros:

 OBRADOIRO AMBIENTAL - PROGRAMA "NATURÉZATE"

O pasado venres o alumnado de primaria asistiu a unhas charlas informativas sobre a fauna e flora das Fragas do Eume, onde houbo tamén espazo para reflexionar sobre o que podemos facer para coidalas. 

Esta actividade está enmarcada dentro do proxecto do cole "Coñece a túa contorna". O obradoiro estivo dirixido por Fran, educador ambiental do programa "Naturézate" da Dirección Xeral de Patrimonio Natural da Xunta.

Despois amosamos as nosas dotes de artistas decorando bolsiñas de tea con follas estampadas, todo proporcionado por Fran. Queremos darlle as grazas por vir a pasar a mañá con nós e ensinarnos tantas cousas tan interesantes.

Pasámolo xenial!

 A MALETA CLIMÁTICA

O Centro de Extensión Universitaria e Divulgación Ambiental de Galicia (CEIDA), pon a disposición de todos os centros educativos unha colección de libros informativos e ilustrados sobre temática de emerxencia climática. 

O obxectivo das maletas é concienciar ó alumnado sobre a o cambio climático e a súa problemática, sendo tamén un excelente recurso complementario ao traballo desenvolvido nas aulas. 

A maleta estará un mes no cole, polo que o alumnado poderá disfrutar dela durante este tempo.