2 DE ABRIL: DÍA INTERNACIONAL DO LIBRO INFANTIL

Hoxe é o día de lembrar aos grandes amigos que tedes nos andeis da biblio de Cusco. Sabemos que vos encantan! 

Cando lemos, á nosa mente médranlle ás. 
Cando escribimos, os nosos dedos cantan. 

As palabras son golpes de tambor e frautas na páxina,
paxaros voadores e elefantes trompeteiros, 
ríos que flúen, fervenzas que caen,
bolboretas que viran
alto no ceo! 

As palabras convídannos a bailar 

ritmos, rimas, latexos do corazón,

cascos e bater de ás, contos antigos e novos,

fantasías e verdades.

A MÚSICA DAS PALABRAS, por Margarita Engle 

(Tradución de María Canosa)

Ilustración de Roger Mello.

MÁIS NOVIDADES NA BIBLIO!

 Cusco trouxo máis novidades aos andeis da biblio. Non volas perdades! E lembrade que tamén se ampliou a sección de banda deseñada (cómic). Parece que o noso amigo escoitou as vosas peticións! 👏

8M - Día da muller

Boas raparigos e raparigas! Aquí, Cusco retransmitindo en directo dende o escritorio. 

Xa volvemos a estar no 8 de marzo, que é o día internacional da muller. Dende a biblioteca puiden ver que estivéstedes a traballar sen descanso na investigación sobre algunhas das mulleres científicas de Galicia e outras partes do mundo. 

Lembrade pasar polo mural para escanear os códigos QR e poder ver todo ese gran traballo! Déixovos aquí tamén unha recompilación. 

Feliz día a todas! 

8M na Capela

24 de FEBREIRO: Día de Rosalía de Castro

Un 24 de febreiro nacía en Galicia unha das nosas escritoras preferidas, a que marcaría un antes e un despois no uso e defensa da lingua galega. Hoxe lembramos a súa obra con agarimo por medio de diferentes actividades na aula. 

Ademais, Cusco quere compartir con vós esta fantástica animación sobre a súa vida. Non vola perdades!

Narración realizada polo alumnado do Colexio San Pío X (Ourense) en colaboración con: TikTaK Draw, a Fundación de Rosalía de Castro e os membros dos Equipos de Dinamización Lingüística de Galicia.

TEMPO DE ENTROIDO!

No colexio seguimos mantendo as tradicións e as ganas de troula! Así que na vindeira semana non pode faltar unha pequena celebración dunha das nosas festas máis enxebres. Iso si, toca facelo de forma diferente e con moito sentidiño. 

Chega o primeiro dos mandados... 👀🎭

E para rematar, mañá xoves: 

Mañá completas a peza: trae algo nos pés, na cintura, pescozo e... na cabeza! 

ROBÓTICA NA CAPELA

 Boas raparigos e raparigas da Capela! Aquí Cusco para dicirvos que  este ano, pese a ser distinto a todos os anteriores, non perdemos as ganas de seguir descubrindo, xogando, divertíndonos e sobre todo aprendendo. Por fin saltamos de cheo a pola robótica, agora invadides a miña biblioteca non só con libros e ordenadores, senón que tamén me metéstedes ROBOTS! Foi un sorpresa moi boa porque estaba un pouco só. Agora xogo con Doc, Mind, BlueBoot, escornabots, mBots e millóns de legos (que por certo, están por todas partes e xa fan de todo). Igual que eu estou entretido, tamén o debedes de estar vós porque polo que vexo nesta televisión de aquí abaixo moito traballades. 

Dádelle clic na palabra "EMPEZAR" para ir ao índice de vídeos. Clicade no que vos apeteza ver e dádelle ao play para ser bos e boas youtubers. Non vos esquezades de darlle like e compartir, que está moito de moda. 

Un saúdo grande,

CUSQUIÑO

DÍA DA PAZ - 2021

Acaba de comezar a semana máis pacífica do ano e Cusco ten algo que contarvos. Averiguade de que se trata. Seguro que lle sodes de gran axuda! 📖💻