ComunicArte

 

Radio na biblio

O profesorado do centro está a participar nunha interesante formación de radio no marco do programa Radio na Biblio, integrada dentro do Plan de Formación Permanente do Profesorado. Nesta experiencia práctica achegámonos ao mundo da comunicación e da creación de contidos radiofónicos para poder aplicalos despois na aula co noso alumnado. Contamos coa guía de formadores especializados como Isidoro Valerio, que nos está a axudar a descubrir novas ferramentas e posibilidades pedagóxicas a través da radio escolar.

Día de Rosalía

 

A Galiña de Mos vai á escola!

A través deste fermoso proxecto achegámonos a unha das razas autóctonas galegas máis singulares.

Primeiros auxilios

Esta semana recibimos no noso centro a visita do persoal do centro de saúde do concello da Capela, que nos ofreceu unha charla e un taller práctico moi interesante, adaptado ao alumnado. Contamos coa presenza das doutoras Patricia Martínez, Ágata Vázquez e Maurenis Alonso, que nos explicaron como actuar en caso de emerxencia e o funcionamento do 112. Aprendemos a colocar a unha persoa na posición de seguridade, a pedir axuda correctamente e coñecemos a respiración cardiopulmonar (RCP). Foi unha xornada moi enriquecedora na que o alumnado aprendeu de maneira activa e moi útil para a vida cotiá.

Mural 25N

O 25 N reivindicamos a eliminación por completo de toda violencia contra a muller, provocada pola gran lacra que son o sistema patriarcal e o machismo. O alumnado realizou un mural onde as súas mans transformáronse nunhas ás que simbolizan a liberdade que todos e todas merecemos polo simple feito de existir.

Saída ó centro de interpretación Caldoval

Visitamos o Centro de Interpretación de Caldoval en Mugardos, onde descubrimos un importante xacemento romano na enseada de Santa Lucía. Trátase dos únicos baños privados con palestra atopados no noroeste peninsular, parte dunha antiga vila romana habitada entre os séculos I e V d.C.A través da visita guiada coñecemos como vivían e como se coidaban e divertían os habitantes da Galicia romana.