Dende o CEIP Mosteiro de Caaveiro vos queremos desexar un bo nadal, unhas moi felices festas e un feliz aninovo! Disfrutade do tempo compartido cos vosos seres queridos e que os máis peques da casa disfruten tamén dunhas máis que merecidas vacacións!
E non atopamos mellor maneira de transmitir este desexo que compartindo con vos a postal que foi a gañadora do concurso proposto entre o alumnado de Educación Infantil, feita polo alumno Bruno.
Aproveitando o remate do Festival de Nadal, os presentadores Ainara e Lucas de 6º curso de EP coa axuda do seu titor Juan e Patri, a mestra de inglés, entregaron os premios aos finalistas e á gañadora do Concurso de Slongas de animación á lectura no que participou o alumnado do centro.
GRAZAS A TOD@S @S PARTICIPANTES E PARABÉNS AOS/ÁS PREMIADOS/AS!!
Con motivo do mes da ciencia en galego nas bibliotecas, dende o equipo da biblioteca escolar promoveuse a realización de diferentes experimentos científicos, co obxectivo de achegar ao alumnado este tipo de actividades que contribúen á aplicación do método científico (observación, plantexamento do problema, hipótese, diseño experimental, realización do experimento, análise dos resultados e comunicación dos mesmos) e ao consecuente aprendizaxe empírico.
Deste xeito, cada un dos diferentes cursos encargouse de poñer en práctica e gravar o experimento científico que levaron a cabo na aula.
Deixamos nesta entrada a listaxe dos enlaces que vos redirixirán ao espazo onde poderedes ver cada un destes experimentos.
Esperamos que vos gusten.
 |
| https://www.youtube.com/watch?v=czSrZyF-EPs |
 |
| https://www.youtube.com/watch?v=YVS6rkLnXYI |
 |
| https://www.youtube.com/watch?v=TMJZXfhetow |
 |
| https://www.youtube.com/watch?v=YPbnRM3CUWI |
 |
| https://www.youtube.com/watch?v=vadrhywdUM4 |
 |
| https://www.youtube.com/watch?v=0u8sJWnq4ao&t=9s |
O pasado venres 24 de novembro e tamén co motivo da conmemoración do 25N (Día Internacional da eliminación da violencia contra as mulleres), tiveron lugar ao longo da xornada lectiva diferentes obradoiros destinados aos diferentes ciclos educativos. A continuación vos deixamos un pequeno resumo coas imaxes do día.
EDUCACION INFANTIL: CONTACONTOS POLA IGUALDADE + MANICURA DE CORES
.jpg)
O pasado xoves 23 de novembro e co motivo da conmemoración do 25N (Día Internacional da eliminación da violencia contra as mulleres), a compañía dramática "Teatro dos Ghazafelhos" veu ao cole para representar unha das súas obras, coñecida baixo o título de "Travesía Unicornio".
As mestras Alba e Sandra, coa sempre benvida axuda do alumnado de 6º curso de EP, plantexaron e desenvolveron un obradoiro de xogos de mesa que foi levado a cabo durante a semana do 13 de novembro. Cada día desa semana destinouse á aplicación desta dinámica nun dos diferentes cursos de EI e EP.
Con este tipo de iniciativas e a través dos diferentes xogos plantexados, conseguimos traballar diferentes aspectos relevantes como a memoria, a atención, a aceptación de normas e regras, o aprendizaxe entre iguais, etc.
Un ano máis celebramos o día do peón no cole, e... que ben o pasamos!, comezamos ca lectura do pregón a cargo do alumnado de 6º, continuamos ca tradicional canción e baile conxunto "Fago o camiño" despois tocou lanzamento conxunto de peóns e para rematar un anaco de diversión con xogos tradicionais nos que os nenos e nenas de 5º foron os expertos.
Tamén decoramos peóns que intercambiamos co colexio de Cabanas!
.jpeg)
.jpeg)
O pasado venres 3 de novembro, o persoal da Escola de Música da Capela veu visitarnos co obxectivo de achegar ás nenas e nenos o interese e a paixón pola música e a aprendizaxe da mesma.
Dous dos profes que na actualidade ensinan na Escola de Música, fixeron varias demostracións e tocaron diversos instrumentos como a gaita, o acordeón, as congas ou a batería.
Grazas ao talento, a simpatía e o bo facer destes profes, o alumnado disfrutou moito coa visita e moitos quedaron con ganas de máis. Unha das claves foi que en todo momento as rapazas e os rapaces participaron activamente acompañando a música producida polos profes e máis por antigos alumnos da escola (que aínda lembraban moi ben como tocar, por exemplo, a batería).
Todo aquel que quixo, tivo a oportunidade de acompañar facendo ritmo con instrumentos que se foron repartindo: baquetas, pandeiros, claves, tamboriles, bombos ou mesmo con palmas.
Dende a Escola de Música da Capela, abren as súas portas a todas ás nenas e os nenos do cole que estén interesados en aprender a tocar calquera tipo de instrumento!!
O pasado martes 31 de outubro, as nenas e os nenos entraban pola porta do cole dun xeito moi diferente ao habitual. Con todo o cole decorado e as cabazas expostas, chegaba o día de celebrar o Samaín, así que en lugar de nenas e nenos, comezamos a recibir bruxas, esqueletos, vampiros, bonecas diabólicas e unha morea de alumnos/as disfrazados e dispostos a pasar un día divertido e diferente.
Ata o tempo de recreo, a xornada lectiva estivo dentro da normalidade. Ás 12:00, todos baixaron ao recreo cunha cestiña feita con papel de periódico que despois foron enchidas coas castañas que con todo o cariño se asaron na cociña do comedor do cole. Foron un éxito e os nenos puideron degustar unha merenda diferente e moi típica do outono galego.
Unha vez rematado o recreo, no mesmo pavillón organizáronse unha serie de divertidos xogos (empregando castañas) dispostos en estacións para que os distintos ciclos foran rotando e disfrutando da práctica de cada un deles: a Mariola, o Castañacesto, a Bomba, Carreiras de relevos...
Neste tempo de xogo, fíxose un pequeno descanso para nomear aos finalistas do concurso de cabazas, que recibiron unha bolsiña con agasallos relacionados co Samaín e máis un diploma.
Unha vez nas aulas e antes do remate da xornada, todos aqueles/as que participaron no concurso de cabazas foron tamén premiados cun diploma e un lápiz temático.
Deixamos nesta entrada do blog un vídeo resumo deste día diferente. Unha aperta!
Con motivo do día das bibliotecas escolares e a apertura das bibliotecas do centro, o alumnado participou no concurso de slogans de animación á lectura promovido polo equipo de biblioteca.
De seguido publicamos os finalistas de cada ciclo, dos cales sairá o gañador, cuxo traballo será publicado no tríptico de Nadal.
 |
| Educación Infantil |
 |
| 1º Ciclo de EP |
 |
| 3º curso de EP |
 |
| 4º curso de EP |
 |
| 5º curso de EP |
 |
| 6º curso de EP |
O pasado luns 23, como xa anunciamos no cartaz publicado hai uns días no blog, as nenas e nenos do cole acudiron á Casa da Cultura de A Capela para disfrutar das historias que con tanto humor e cariño íalles contar a talentosa Raquel Queizás.
As rapazas e os rapaces de 6º curso de EP (a quenes dende aquí lles agradecemos moitísimo o seu interese, esforzo e bo facer), explicaron ao resto dos alumnos/as do cole tanto o funcionamento e a organización das súas respectivas bibliotecas como as normas de emprego das mesmas (días, horarios, emprego dos tarxetóns, préstamos, etc.).
O mércores 18 de outubro e aproveitando o tempo do plan lector, fíxeron a formación para o alumnado de Educación Infantil e 1º ciclo de Educación Primaria.
Dous días máis tarde, o venres 20 e no mesmo horario da xornada lectiva, foron os nenos/as de 2º ciclo de E.P. máis os compañeiros de 5º curso os que puideron aprender do que lle contaban os máis maiores do cole.
