Novidades Samaín

 Aquí vos deixamos algunhas novidades para celebrar o Samaín.

Día das bibliotecas escolares

O pasado xoves celebramos no cole o día das bibliotecas escolares no cole. Todo tivo lugar na aula de música. 

Para comezar, o alumnado de sexto de EP fixo unha pequena introdución explicando ao resto das compañeiras e compañeiros do centro por que é importante fomentar a lectura en xeral e o uso das bibliotecas en particular. 

Seguidamente, procederon a entregar as medallas para os finalistas (dous por ciclo) do concurso de slogans de animación á lectura, dos cales sairá elixido o gañador/a cuxo traballo será publicado no tríptico de Nadal. 

A maiores fixeron unha representación teatral que poderedes ver no video-resumo que publicamos nesta mesma entrada. Nela se fai unha crítica constructiva dos problemas que implica o uso excesivo das pantallas e o bo que sería reducir o tempo fronte a elas en beneficio de tempo de lectura de calidade, coma unha forma de aprender, viaxar e coñecer novos mundos sen movernos da cadeira.

Finalmente, todos os nenos pasaron a recoller, tamén da man dos seus compañeiros/as de sexto, unha galleta cun fermoso estampado relacionado co día que estábamos a celebrar.

 

Chegan as MOCHILAS VIAXEIRAS!

O vindeiro luns día 30 de outubro, cada un dos cursos poderá disfrutar das xa coñecidas "mochilas viaxeiras". Cada nena e neno terá dereito a levar para casa a mochila viaxeira que se lle otorgou ao seu curso, de xeito que as mochilas irán viaxando de fogar en fogar, vindo de volta ao cole para cada cambio de usuario.

A nena ou neno que leve a mochila para casa, terá ao seu alcance, durante dúas semanas, unha selección de libros adecuada ao seu curso académico. Pasado ese tempo, a mochila viaxeira terá que volver ao cole para que a leve outro compañeiro/a.

DISFRUTADE TODO CANTO POIDADES ESTA VIAXE FERMOSÍSIMA!!!

Imos ver un contacontos!

O pasado luns 23, como xa anunciamos no cartaz publicado hai uns días no blog, as nenas e nenos do cole acudiron á Casa da Cultura de A Capela para disfrutar das historias que con tanto humor e cariño íalles contar a talentosa Raquel Queizás.

Soamente coa axuda dunha maleta grande e moi vella, un par de manteis e uns cantos títeres feitos a man con cousas da casa, Raquel Queizás foi quen de transportar aos nenos (e tamén a nós os mestres) a lugares e tempos pasados, nos que lembraba historias que vivía ou lle contaba a súa querida avoa. 

As falcatruadas dun trasno que se bañaba no seu vaso de leite e que tanto fixeron rir aos nenos, o temible Papón que comía cantas persoas tiña ao seu redor, ou a famosa historia da Cova da Moura, foron algúns dos contos tradicionais cos que Raquel fixo disfrutar a todos os que tivemos a sorte de ir ver o seu espectáculo.  

Formación entre iguais: uso da biblioteca.

 As rapazas e os rapaces de 6º curso de EP (a quenes dende aquí lles agradecemos moitísimo o seu interese, esforzo e bo facer), explicaron ao resto dos alumnos/as do cole tanto o funcionamento e a organización das súas respectivas bibliotecas como as normas de emprego das mesmas (días, horarios, emprego dos tarxetóns, préstamos, etc.).

O mércores 18 de outubro e aproveitando o tempo do plan lector, fíxeron a formación para o alumnado de Educación Infantil e 1º ciclo de Educación Primaria.

Dous días máis tarde, o venres 20 e no mesmo horario da xornada lectiva, foron os nenos/as de 2º ciclo de E.P. máis os compañeiros de 5º curso os que puideron aprender do que lle contaban os máis maiores do cole. 

Cusco está feliz por recibir a tantas nenas e nenos, presentes e futuros lectores da súa biblioteca, que con tanta paixón coida!!!

Normas da biblioteca

 

Día das bibliotecas

 

CONTACONTOS NA CASA DA CULTURA "A maleta da avoa"

O luns 23, con motivo da celebración do día das bibliotecas,  a biblioteca municipal convídanos ao contacontos "A maleta da avoa" a cargo de Raquel Queizás. 

Que ben o imos pasar! 

Continuamos co programa "PRENSA-ESCUELA"

Por segundo ano consecutivo e grazas ás iniciativas de "La Voz de Galicia", o alumnado do terceiro ciclo de E.P. do noso cole poderase nutrir dos beneficios do programa "prensa-escuela".

 

Entre os obxectivos pedagóxicos de dito programa podemos destacar os seguintes:

- Ser capaces de usar a prensa como un recurso didáctico.

- Aprender a ler a prensa, a expresar libremente a súa opinión e debatir en grupo.

- Ter acceso ao mundo dos medios de comunicación e coñecer a súa organización e como inflúen na sociedade.

- Implicarse, cando sexa posible, na solución dos problemas que o periódico publica a diario.

Ademáis, terán a oportunidade de desenvolver o seu sentido crítico a través da prensa e máis descubrir unha posible paixón pola información e a comunicación.

Carta de Cusco

 Que emoción, Cusco está de volta!, recibimos a súa primeira carta!